Poem:
Yeh jo tere mere
darmyaan hein buhat
in ko kya kahein?
Faaslay to wahan hotay
hein na jahaan kabhi
ittefaq hua ho…?
Mein tuj se haal puuchun
To muj se haal puuchay,
aur hal na milay to batayein…
Maslay to wahan hotay
hein na jahaan kabhi
kuch saath hua ho…?
Mei ruthun tujsay,
tu muj se ruuth jaye,
manayein to phir kese manayein?
Shikway-Gilay to wahan hotay
hein na jahan kabhi
koi ek waada hua ho?
Tu muj par karley tanqeed,
mei tujse karlun shikayat,
par gor talab hai baat.
Nokilay to wahan hotay
hein na jahan kabhi
koi taaka laga hua ho?
Hai mujay aitraz’ raigani ka,
Hai tujay aitraf’ raigani ka,
par soch zara…
Tilmilay to wahan hotay
hein na jahan kuch
hisaab abhi bacha hua ho?
Na tunay laganay ka kia iqrar
na mene jalnay se kia inqar,
tu tafshish to kar…
Sholay to wahan hotay
hein na jahaan kabhi
darmyan dhuaan dhuaan sa hua ho?
Tu beshak na likh ab mujay
aur torr de saray raabtay.
“Bas” par apni itna jata…
Silsilay to wahan hotay
hein na jahan kabhi
kuch dil se shru hua ho?
Tu mujay karde ruswa,
Mei tuj se hojaun na-aashna…
Par hosh ka ghoot pi kr batla…
Zahrilay to wahan hotay
hein na jahan kabhi
kuch kaata hua ho…??
— Dedicated to the ironic distances between the lovers.
Credits: Base word of the poem: “Faslay” provided by Madam Sarah Awan.
Serenades of a dreamer... 