Nadamat (The regret)

Poem:

Jo tera hua nahi, to khona kia hai?
Kuch chhua nahi, to tootna kia hai?
Hai kis baat par nadamat tujay aye dost?
Paicha laga hi nahi, to katna kia hai?

Wo pukarnay par bhi to nahi aaya baaz,
Jab kuch sunna nahi to kehna kia hai?
Kyu ho ek hi muqaam k chakar kaat-te,
Gar paap hua nahi, to dhona kia hai?

Hojaye bhakshish gar haath lag jaye,
Kabhi kia nahi, batado, darna kia hai?
Bethna mat sirf sar haath mein lekar,
Samaj lena, ab k ho to karna kia hai.

Jab woh meri duniya ka hai hi nahi,
To socha, koi haal ho pukarna kia hai?
Usko kese milti thi duaon mein tassali?
Haath uthata tha, bhul kar mangna kia hai.

Hath mei thaam k kab to bethoge aur?
Jab usne lia hi nahi to rakhna kia hai?
Pyasay se puuchtay ho suhbat-o-aadat?
Jab thaama hi nahi, to chhootna kia hai?

Kamaan liye bethun kyun chohrahay par?
Jab kheencha hi nahi to takna kia hai?
Darwaze tak laga hai saz-o-saaman,
Jab jaga hi nahi, to bharna kia hai?

Tu to har baazi jeetne ko hi khelta raha.
Jo tu ghira nahi kabhi, to uuthna kia hai?
Mat kaho ab ye k aarahi hai kam saans…
Woh jo jia nahi yahan to marna kia hai?

Dekhiye ab kis karwat beth-ta hai Suraj,
Gar tu jala hi nahi to phir lipatna kia hai?
Chhoro ye dillagi Sohani aur kaam karo.
Jab seekhna nahi to pachhtaana kia hai?

— Dedicated to the beloved.

Credits: Base word of the poem “Nadamat” was provided by Madam Sarah Awan.