Tu hi bata kya karun…? (Why don’t you tell, what should I do…?)

Poem:

Bekhabar sa hun, tu hi bata kya karun…?
Muntazir sa hun, tu hi bata kya karun…?
Mei jazeera hun ek sookhay samandar ka…
Koi samjay sahra, to saniha kya karun?

Woh mujay paa-le yah mei usay mil jaun,
Bata konsa taveez aisa, aur dua kia karun?
Juuda hi sahi, tukra to huun mei bahaar ka…
Fizza na lejaye mujay konsa sajda kia karun?

Zakhmi hun par mei khata nahi mara gosht,
Mei Sher hun, lazim hai – taqwa kia karun.
Utaar le woh mujay apnay sheeshay mein,
Mei to raks hun, kia jhoomtay na kia karun?

Chaand, phuul, badal, barish, sab dediye.
Bata, ab aur kis cheez ka atia kia karun?
Woh to hai abad se ik mujisma-e-hayaat,
Konsi bachi hasrat us pe fida kia karun?

Kisi bad-dua se hui kia – lambi zindagi?
Bataa kis kis par mein fatiha kia karun?
Woh har taraf hai mere aur mein us mein.
Us noor ka kia zavia, kia zaicha kia karun.

Usne dekh lena hai Sohani khaab mein bhi,
Mei chhupnay ko us se kia parda kia karun?

— Dedicated to the beloved – who you inquire about the methods of devotion.

Credits: Base phrase of the poem (its title) is provided by Madam Sarah Awan.