Poem:
Jab lafz na milein, to fakht muskuraa dena.
Band labon se apnay, khushbu uddaa dena.
Mein sun raha hun badi deir se apni dharkan.
Sunao khamoshi zara chehra dikhaa dena.
Dekha mene rukna, tawaaf is zameen ka,
Kam nahi ik nazar mein, lamhe churaa dena.
Buhat dier se chal rahay hein bechain sitare,
Ye thamay, ho jun hi, tera parda ghiraa dena.
Ik samnay, yaad na rehna, kuch bhi kehna…
Duja justuju, hatheli pe likhna – mitaa dena.
Aajaya karo waqtan puuchne dil ka khasara,
Bada mushkil hai dier se hisaab puraa dena.
Jin par guzri na rukne ko sirf woh janne ye,
Kia hota hai daryaa mei, suraj dubaa dena.
Jo kar aaye zyaarat un se puucha hum ne,
Kia hai ik mulaqaat mein taqdeer banaa dena.
Chilman ne kia hai daryaft raaz-e-hukumat,
Raaj karta tha kahin, palkon ko jhukaa dena.
Tujay yaad ho na ho humein yaad hai tera,
Bol bol kar ruuthna, khamosh sazaa dena.
Mil jaye tujay khaak mein bhi ho kar saabit,
Sohani mere haathon aisi lakeer banaa dena.
— Dedicated to the beloved not showing up.
Credits: Base phrase of the poem: “Jab lafz na milein” provided by Madam Sarah Awan.
Serenades of a dreamer... 