Poem:
Tuj se kia teri be-rukhi se bhi
wafa karte…
Pyaar phir bhi karte,
fakht iktarfa karte…
Kahan fursut thi ulfat se
k kuch gila karte…
Tere hum-naam ajnabi se bhi
ashnaa mila karte…
Khud khaye huay thay thokar,
kia daga karte?
Ho do qadam tawaaf,
soch k jagmaga karte…
Waqt guzra istarah werna
har aah par ruka karte…
Khuli aankh hashr mein,
kia uthte, kia jhuka karte…
Na rakhta dil par woh haath,
na patjar mei uga karte…
Na sunne ko ik asar ki baat,
sahar tak ratjaga karte…
Baat kab pari fahham se
k kuch falsafa karte…
Sahi na sahi, ghalat sahi,
kehne ka difa karte…
Tere aadab se qabl, be-adab
mehfil alvida karte…
Jo bach gayi baaqi agar jaan,
kalme pe fida karte…
Bhujtay hein ki har shaam
hi koi ghum saha karte…
Jaltay hein ki hum bhi
thay uss dil mei raha karte…
Baazi ishq ki thi, to kia
nuqsaan ya nafaa karte…
Baat bhi dil ki thi werna
sab rafa-dafaa karte…
Mere ishq ki kia vez ab
Sohani sadaa karte…
Be-nafs azaan ka vird masjid
nahi maiqada karte…
— Dedicated to the beloved
— Credits: Base phrase of the poem: “Wafa karte” provided by Madam Sarah Awan.
Serenades of a dreamer... 