Poem:
Tere taghaful se tere chahnay walay mit jayenge
Rafta rafta kr ye zehr peenay walay mit jayenge
Tu gar rok sakay to rok lay ab bhi un haathon ko.
Vasal-e-raah mein khud ko tarashnay walay mit jayenge.
Ek baar apna parda gira kar yahan muskura dena,
Aajiz-e-sabr par shubaa rakhnay walay mit jayenge.
Ilaahi ab ki baar us mehndi mei likha naam dikhadena,
Ik taak mein ghalat fehmi palnay walay mit jayenge.
Hojaye gar inkashaf sabko sabki neeyaton ka…
Iraadon ko beja barhanay walay mit jayenge.
Jhankna seekh le gar koi kisi k dil mein yahan,
To ik dujay ko kaafir bolnay walay mit jayenge.
Go patharon se thokar kha kar nahi mitay…
Tere taghaful ko sehnay walay mit jayenge.
Aaj tu agar ghafil hai to ghafil hi sahi, itna bata,
Teri raah mei milay pairon k chhalay mit jayenge?
Jaanlein kis bazar se guzar k bana ye Kundun,
Tere badan ki boli laganay walay mit jayenge.
Sohani, kis aag mei jalta hai gar is ka namuna dikha,
Khud ko maar kar tuj pe marnay walay mit jayenge.
— Dedicated to those feigning indifference, and to those for whom showing indifference is the only way you can make some difference.
Credits: Base word of the poem: “Taghaful” provided by Madam Sarah Awan.
Serenades of a dreamer... 