Poem:
Zara thehro k dharkanon ko meri qarar nahi.
Us k khat parhnein ko chashm abhi tayar nahi.
Un se milnay par toota baandh khula aabshaar.
Chakh lo in aansuon mei amrit hai khaar nahi.
Khol kar darichay parhado haqeeqat k baab.
Na ho hairaan k kitabon si milti bahaar nahi.
Kehta hai muj se dil, tum ne kaha tha “bhuljayenge”.
Kaun samjaye kambakht khwahish hai, itkhtiar nahi.
Darata hai zamana kia unko khauf-e-khudai se.
Heer-o-kais par to chali inki koi dhaar nahi.
Ab maikhanay ka darwaza na kardena band, salahkaron…
hum rogi hein, hum ko muyasar kuucha-e-yaar nahi.
Zara thehro jism mei ab bhi hai chand saans baaqi,
Ik baar phir se kehdo, Tum ko mujh se pyaar nahi.
Beth jayein sirhanay to guftugu mein thamadena nafs.
Woh bhooj lein kahan thehrao nahi, kahan raftaar nahi.
Muqamal tassali karna ab shaq ki koi gunjaish nahi.
Dekh lo ishq hi hai sar par koi bhoot to sawar nahi.
Kia ab waid, aur kia hakeem, aakhri intizam karlo.
Ab jo ishq mein hein, so bachnay k koi aasar nahi.
Jis k honay se ho zindagi mein farq woh rizq hai.
Fakht samaitney walon mein koi naseeb-daar nahi.
Jukh gaya aasmaan bhi aagay us k zamanay ki tarah,
Tha humein gurur k hum uski daryadili k shikar nahi.
Uski manaton se mantiq hai ye Sohani qismat.
Werna hosh nahi apna, hum chah k bhi hushyaar nahi.
— Dedicated to much needed “deliberate stillness/ thehrao” in life.
Credits: Special thanks to Madam Sarah Awan for lending me a “base word” to compose a poem on it.
Serenades of a dreamer... 